Край верасовы над хуткай ракой –
Свету выснова і сэрца спакой.
Водар салодкі роднай зямлі.
Тут мае продкі спрадвеку жылі.

Прыпеў: Зоркі на світанні,
Як чаромхі цвет.
Першага кахання
Непагасны свет.
Віліі берагі,
На вадзе кругі.
Край верасовы, дарагі.

Зноўку мне сніцца шолах травы.
Подых званіцы з белай царквы.
Голас крыштальны, нібы з нябёс
Ранак світальны – гэта мой лёс.

Прыпеў.