РЫХТУЕМСЯ ДА СПРАВАЗДАЧНАГА КАНЦЭРТА
Чарговае пасяджэнне народнага клуба кампазітараў і паэтаў «Жывiца», якое прайшло 17 верасня ў Мінскай абласной бібліятэцы імя А.С. Пушкіна, галоўным чынам было прысвечана падрыхтоўцы да справаздачнага канцэрта, прысвечанага 15-годдзю клуба.
А пачатак пасяджэнню паклала рубрыка «Пад уражаннем», у якой ахвотнікі падзяліліся меркаваннем пра верш Алены Ларскай «Ключы ад Вечнасці». Затым у рубрыцы «Сам сабе рэдактар» па традыцыі падвергліся даследаванню два вершы - рускамоўны «И снова осень» і «Вечар» на беларускай мове. Жывiчане давалі свае ацэнкі і прапановы, як палепшыць той ці іншы радок ці страфу. Рэзюмэ прагучала адназначна: каб атрымалася высокая паэзія, над вершамі трэба вельмі ўдумліва папрацаваць.
Далей сябры клуба выступілі з прэзентацыяй сваіх новых кніг. Спачатку Святлана Рыжкова (п.Дружны Пухавіцкага р-на) прадставіла свой першы лірычны зборнiк, які назвала «И времени безудержный полет», прысвяціўшы яго сваёй 27-гадовай дачцы-настаўніцы. Інфармацыяй пра публікацыю падборкі сваіх вершаў у альманаху «Вяхі» падзялілася Марыя Лябедзька (г. Стоўбцы). Дзмітрый Краскоўскі з Валожынскага раёна прадставіў свой новы зборнiк вершаў. Яго бліскучы гумар спадабаўся прысутным. Не так даўно ён стаў лепшым чытальнікам на шостым абласным фестывалi гульні і гумару «Капыльскія пацехі». Улічваючы высокі ўзровень яго літаратурнага майстэрства, Ірына Карнаухава параіла паэту рыхтаваць дакументы для ўступлення ў Саюз пісьменнікаў Беларусі.
Затым надышла чарга прадстаўлення новых сябраў клуба. Першым выступіў Віктар Сiткевiч, інжынер-энергетык з в.Зялёны Бор Смалявіцкага
раёна, які выканаў некалькі песень пад гітару, у тым ліку і на словы жывiчанаў.
Кіраўнік клуба «Жывіца» Ірына Карнаухава падзялілася ўражаннямі пра наведванне Гомеля з 31 жніўня па 3 верасня, дзе адбыўся ХІ Міжнародны фестываль-свята «Славянскія літаратурныя дажынкі-2017». Мерапрыемства сабрала больш за сотню літаратараў з Беларусі, Расіі і Украіны.
Ірына Аляксандраўна таксама распавяла пра цяжкасцi падчас працы над выданнем новага двухтомніка паэзіі 77 аўтараў з Міншчыны. Яго прэзентацыя, як i прадстаўленне песеннага дыска, плануецца ў студзені 2018 г.
Пасля перапынку, які быў запоўнены планаваннем справаздачнага канцэрта, працягвалася знаёмства з пачаткоўцамі. Новым тварам у клубе таксама стала Рыма Балахнiна з Лагойскага раёна, якая шмат гадоў адпрацавала ў сістэме адукацыі, з'яўляецца сябрам лагойскага літаб'яднання. Паэтка публікавалася ў розных рэспубліканскіх СМІ, прычым усе ганарары перадавала ў адзін з дзіцячых дамоў. Яна распавяла пра свой жыццёвы шлях і прачытала некалькі вершаў.
Напрыканцы прысутныя па традыцыі чыталі ўласныя новыя вершы.
Наступная сустрэча жывiчанаў адбудзецца на сцэне Дома культуры г.п.Мачулiшчы Мінскага раёна ў суботу 14 кастрычніка. Праезд электрычкай кірункам на Асіповічы, Талька, Пухавічы, Рудзенск. Пачатак канцэрта ў 13.00, выступоўцы павінны прыехаць загадзя, каб паспець трохі парэпеціраваць. Ахвотныя прыняць удзел у справаздачным канцэрце павінны паведаміць пра гэта Ірыне Карнаухавай, каб патрапіць у сцэнар дадзенага мерапрыемства.

Анатоль МАЗГОЎ, фота аўтара

1. Дзмітрый Краскоўскі (Валожынскі р-н) – мэтр гумара і сатыры.
2. Новы твар клуба – Віктар Сіткевіч (Смалявіцкі р-н).
3. Новы твар клуба – Рыма Балахніна (Лагойскі р-н).
4. Святлана Рыжкова прэзентуе асабісты зборнік вершаў.




скачать dle 11.3
автор - karirina.3  ::   просмотров -   ::   комметариев - 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.

Голосование:
Какие стихи Вам больше нравятся?


Показать все опросы

Наши друзья
Счетчики