«Там за рэчкай, у бары» — зборнік дзіцячай паэзіі, у які ўвайшлі творы членаў абласнога народнага клуба кампазітараў і паэтаў “Жывіца”. Гэтая невялікая кніжыца змяшчае вершы, адрасаваныя як самаму маленькаму чытачу, так і дзецям старэйшага ўзросту. У некаторых паэтычных радках узнімаюцца зусім не па-дзіцячаму сур’ёзныя пытанні, такія як прызначэнне чалавека на гэтай зямлі, любоў да братоў нашых меньшых, адзінота, першае каханне і інш.
Простай і зразумелай для сваёй гарэзлівай чытацкай аўдыторыі мовай аўтары гавораць пра важныя рэчы, разумеючы, што менавіта ў дзіцячым узросце закладаюцца самыя асноўныя правілы жыцця і духоўныя арыенціры.
У выданні таксама змешчаны вершы-калыханкі, міні-казкі, забаўлянкі для тых, хто толькі-толькі пачынае свой цікавы і пакуль яшчэ нязведаны шлях у будучыню.
Кніга рэкамендавана для сямейнага чытання бацькам і дзеткам!

Вядучы рэдактар ДУ “Мінскі абласны цэнтр народнай творчасці” Таццяна Курмазія