Штогод ў Маладзечне праводзіцца Нацыянальны фестываль беларускай песні і паэзіі, які дае магчымасць кожнаму беларусу пагуляць па яго святочных вуліцах, падзівіцца на вырабы народных майстроў на кірмашы, паслухаць песні артыстаў на канцэртных пляцоўках і, канешне, сустрэцца з літаратарамі. Сёлета ў мерапрыемствах фестываля прынялі ўдзел кіраўнік народнага клуба "Жывіца" Ірына Карнаухава, аўтар-выканаўца Тамара Кашчэва (г.Фаніпаль, Дзяржынскі раён) і паэтэсы-маладзечанкі Тамара Бярэзіна і Тамара Аўсянікава, якія неаднойчы разам выступалі і ў бібліятэках, і на фестывальных пляцоўках.

Па традіцыі дэлегацыя СПБ, у якой была і Ірына Карнаухава, завітала па дарозе на малую радзіму Янкі Купалы ў Вязынку. Тут гасцей з хлебам-соллю сустракалі прадстаўнікі Маладзечанскага раёна і шматлікія прыхільнікі паэзіі і песні. Перад помнікам Янку Купалу адбылося паэтычнае свята, якое вёў вядомы краязнаўца і гісторык Міхась Казлоўскі. Да помніку Янкі Купалы былі пакладзены кветкі.

У раённай бібліятэцы імя Максіма Багдановіча адбылася прэзентацыя Рэспубліканскага мастацка-патрыятычнага праекта і фотапаэтычных кніг "Зачараваны Беларуссю", "Бачу Беларусь такой", "Мая Радзіма", "Навасады: малая Радзіма". Яе правялі аўтары праекта Уладзіслаў Цыдзік і Алена Стэльмах.

Свята прадоўжылася ў малой зале Палаца культуры. Паэтычна-музычную гасцёўню "Паэтычная спадчына — нашчадкам запавет".
Заключным мерапрыемствам фестывальнага дня стала сумесная творчая сустрэча паэтыў СПБ з членамі Саюза кампазітараў. Правялі яе Алена Стэльмах і Міхась Пазнякоў, а таксама кампазітар Аліна Безенсон. Вядучыя і ўдзельнікі сустрэчы падзяліліся вопытам супрацоўніцтва, вызначылі шляхі далейшага творчага сяброўства. Аб дзейнасці народнага клуба паэтаў і кампазітараў "Жывіца" распавяла яго кіраўнік, член СПБ Ірына Карнаухава. А Тамара Кашчэва праспявала аўтарскую песню.



Тры Тамары -- Бярэзіна, Аўсянікава і Кашчэва прынялі ўдзел ў імпрэзе "ЧЫТАЕМ КУПАЛУ І КОЛАСА" на паэтычнай пляцоўцы, арганізаванай Маладзечанскай раённай бібліятэкай імя Максіма Багдановіча.