У штыднёвіку "Літаратура і мастацтва" №40 ад 25.10.2025 апублікаваны артыкул Яўгеніі Шыцька.

"Літаратурная майстэрня "ЛітЭра" арганізавала ў Цэнтральнай бібліятэцы імя Янкі Купалы творчую сустрэчу "Маіх сяброў мелодыя вершаў" -- з мінскім чытачом сустрэлася паэтэса, кампазітар, выканаўца песень Ларыса Гулкоўская з Салігорска.
Настаўнік вышэйшай катэгорыі, да заслужанага адпачынка яна была выкладчыкам музыкі, 17 гадоў аддала працы педагогам у дзіцячай музычнай студыі Палаца культуры. Актыўная удзельніца і пераможца творчых спаборніцтваў розных узроўняў, суаўтар сямі зборнікаў вершаў, шматлікіх сумесных дыскаў народнага клуба кампазітараў і паэтаў "Жывіца". На працягу 15 гадоў кіравала хорам ветэранаў педагагічнай працы "Натхненне".



Падчас сустрэчы гучалі запісы песень кампазітара, у тым ліку прэм'ернай -- на верш воіна-інтэрнацыяналіста Вячаслава Палубінскага "Ваенныя сны пра Барысаў", прысвечаны бацькам і роднаму гораду. Шэраг вершаў і песень Ларыса Уладзіміраўна выканала гэтым вечарам сама. Сярод іх была яшчэ адна прэм'ера на твор "Бабіна лета" Тамары Кармянскай (Гапоненка), вядучай мерапрыемства. Між тым удзел у імпрэзе прынялі некаторыя аўтары слоў, пакладзеных на музыку".