З розных куточкаў ляцяць у сталіцу
Светлая музыка, цёплыя словы.
Ранкам нядзельным працуе «Жывіца» –
Восеньскім, летнім, зімовым, вясновым.
Не перашкода – надвор’е любое.
Межаў няма для жаданай сустрэчы
Творцаў, з’яднаных вялікай любоўю
Да прыгажосці, як свет гэты, вечнай.
Б’е тут натхненне крынічкаю чыстай,
З нетраў глыбокіх на волю імкнецца,
Промнем заззяе ў расінцы празрыстай –
Песняю новай ці вершам пральецца.

Нупрэйчык (Плакса) Галіна, г. Клецк