Сл. Яўгена Прадзядовіча, муз. Валянціны Беланоўскай (г.Барысаў)



1.Радзіма, ты лісток кляновы.
Буслы кружацца над табой.
Радзіма, кожны дзень твой новы
Напоўнен дзіўнаю красой.
Сваю спагадлівую ласку
Даруеш цішынёй ў лясах.
Ты таямніца, мара, казка,
Дзяўчынка з кветкай ў валасах.

Прыпеў: Любая Радзіма, любая Радзіма!
Вышываю долю з рамонак, васількоў.
Уплятаю сонечныя фарбы-пералівы
З песняй, што пранесла ад вякоў

2.Твой лёс, як песня будзе вечным,
Вачэй чаруе супакой.
Я бачу шлях твой светлым, Млечным,
Цудоўнай зоркавай ракой.
Каб толькі ласка панавала,
Нібы крыніцаў чысціня.
І ў Сусвеце разлівала
Зямля любоў сваю штодня.

Прыпеў.