Уздыхалі палачанкі
Ўслед калонам ваяроў,
І натоўпам спазаранку
Беглі да царквы за роў

Памаліцца за дзяржаву
І за гойстрыя мячы,
Каб нашчадкаў Усяслава
Ў ліхалецце зберагчы.

Так здаралася заўсёды:
Полк тутэйшых мужыкоў
Біў татар на Сініх Водах,
Пад Грунвальдам – крыжакоў,

Шведаў і Напалеона,
А ў часы былой вайны,
Не шкадуючы патронаў,
Біў фашыстаў ля Дзвіны.

А пасля крывавых бітваў
Да Сафіі ўздоўж ракі
Пехатой ішлі з малітвай
Пераможныя палкі.

Над Пала́тай каля ганка
З той далёкае пары
Сустракалі палачанкі
Пераможцаў у двары.

Цанунін Уладзімір, г. Вілейка