Трэцякласнік наш Дзяніс
У вайну тры дні гуляе –
У камп’ютэры “завіс”,
Спрытна ворагаў страляе.

Сшыткі, ручкі ўсе ў кутку,
Валейбол не вабіць болей.
Непатрэбны хлапчуку
Нават лепшы сябар Коля.

Годзе, дружа, завісаць!
Лета ў вокны зазірае,
Кліча мячык паганяць.
Лес у казку запрашае.

Мышку ў клетку загані,
Ды вярніся ў свет рэальны.
З добрай кніжкай адпачні
Ты ад войнаў віртуальных.

Нупрэйчык Галіна (г. Клецк)