Сонца ў вокны пазірае –
Ну і выдаўся дзянёк!
Пчолкі ў кветніку лятаюць
І маленькі матылёк.

Ні лісток не зварухнецца –
Цішыня і прыгажосць!
Неба вымылі, здаецца –
Палівачкаю, нябось.

Лес прыбраўся ўсім на дзіва,
Павылазілі грыбы.
Напаткаецца чарвівы –
Ну дык выкінь, не бяры.

Кош у рукі ды з сябрамі
Я спяшаюся ў лес.
Вечарам насмажыць мама
І са скваркамі, і без.

Маслякоў і сыраежак,
і лісіц, баравікоў,
Смаката – такая ежа!
Заўтра ў лес пайду ізноў!

Багдановіч Лёля (г. Барысаў)