Гарачыня стаіць такая,
Што немагчыма ўжо трываць
На гуслях ліпень гучна грае –
Ажно за воблакам чуваць!

А потым дождж і халадэча –
Патрэбны боты, паліто.
Хваліцца надта дык і нечым...
І я ж пра гэта. А пра што?

Паспелі вішні і маліна.
Палова лета ўжо сыйшла.
Пятрок лісток пад ногі кінуў,
На днях Ілля падкіне два.

Зляцяць у вырай потым птушкі.
І сум агорне ўсё наўкол... ...
А лета ў каляровай хустцы
Збірае ягады ў прыпол...


Багдановіч Лёля (г. Барысаў)