МАТЭМАТЫКА Ў ВЕРШАХ
(Склад лікаў ад аднаго да дзесяці)
1
У склад адзінкі хто ўваходзіць?
Яна адна.
Сяброў не водзіць.
Сама да ўсіх ідзе заўсёды
Са згодай і без перашкоды.
2
Які склад ліку двойка мае?
Каго чакае-сустракае?
Ідуць, плюсуюцца адзінкі –
Яе дзве роўныя часцінкі.
3
Склад невялікі мае тройка.
У ёй – адзінка ў суме з двойкай.
4
Каго ўраўняе нам чацвёрка?
Яна складзе адзінку з тройкай
І злучыць плюсам двойку з двойкай.
5
Хто ж уваходзіць у пяцёрку?
Адзінка гэта і чацвёрка,
Таксама двойка ў суме з тройкай.
6
Шасцёрка ў пары ўсіх збірае:
Адзін і пяць яна раўняе,
Два да чацвёркі адпраўляе,
Дзве тройкі роўныя складае.
7
Сямёркі склад увесь запішам,
Трох розных параў суму злічым.
Адзін з шасцёркай, два з пяцёркай,
І ўслед за імі – тры з чацвёркай.
8
Складаемыя ліку восем.
Чатыры пары ў госці просім.
Вядзём адзінку да сямёркі,
Прыбавім двойку да шасцёркі,
Адправім тройку да пяцёркі,
З’яднаем плюсам дзве чацвёркі.
9
Дзявятка – гэта лік вялікі.
У ім – чатыры пары лікаў.
Сплюсуем мы адзін з васьмёркай,
Прыбавім двойку да сямёркі,
Таксама тройку да шасцёркі,
Чацвёрку просім да пяцёркі.
10
З чаго складаецца дзясятка?
Адзін прыбавім да дзявяткі,
Васьмёркі з двойкай суму злічым,
На тры сямёрку павялічым,
Шэсць і чатыры – дзесяць роўна.
Усё рашаем паслядоўна.
Дзе дзве пяцёрачкі-блізняты?
Бягуць у суме ўжо дахаты.
Сябруюць лікі, карагодзяць,
І ў склад дзясяткі ўсе ўваходзяць.

Складаемым мяняем месцы –
Нязменнай сума застаецца.

Нупрэйчык Галіна, г. Клецкскачать dle 11.3
автор - karirina.3  ::   просмотров -   ::   комметариев - 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.

Голосование:
Какие стихи Вам больше нравятся?


Показать все опросы

Наши друзья
Счетчики