Спіце хлопчыкі, дзяўчынкі, закрывайце вочкі,
Для таго, каб дзеткі спалі, і прыходзяць ночкі
Месяц носік прыхаваў у цёплыя далоні,
Сад галінкі апусціў, нібыта ў паклоне,
Ветрык на гары прылёг, моцна прытаміўся,
Лес пуховаю пярынай з галавой накрыўся.
Спіць і возера ў цішы, і на небе зоркі,
Пахаваліся звяры ў цёпленькія норкі.
Казкі, песенькі і цацкі ўсе даўно паснулі,
Сон ціхенька плешча ў ладкі: люлі, люлі, люлі...

Мароз Галіна (г. Лагойск)