Надыходзіць жаданы час.
Мы закончылі першы класс.
Перад летам апошні раз
Празвініць званок.
Ён ударыцца ў шкло акна,
За якім на двары вясна.
Там з рамонак для нас яна
Запляце вянок.

Непаседлівы мы народ.
Не жывецца нам без прыгод.
Сэрца рвецца ісці ў паход,
Прагне таямніц.
Нас чакаюць даўно ў бары
Туманы пад святлом зары
І бурштынавы бляск кары
Ў чысціні крыніц.

Трэба многа шляхоў прайсці
І адказы на ўсё знайсці.
Мы зрабілі ў сваім жыцці
Толькі першы крок,
Бо закончылі першы класс
І цяпер празвініць для нас
Перад летам апошні раз
Школьны наш званок.

Цанунін Уладзімір, г. Вілейка