«Каштуе колькі дабрыня?» –
Запытаў я кацяня.
У адказ пачуў у кіскі:
«Дабрыня – смятаны міска».

* * *
Толькі сонейка з-за стрэхаў,
Толькі ранак над зямлей –
Зноў пайду шукаць я рэха:
Дражніцца яно са мной.

* * *
У квача гуляюць рыбкі,
Марай цешыцца Мікітка:
«Вось бы рыбкаю мне стаць
З імі разам пагуляць».

* * *
Гэта – зебры, гэта – слон,
Ну, а там – хамелеон,
Ну, а гэты конік – поні…
Радасна ў звярынцу Лёню.

* * *
Журавелька-журавель –
Шмат ён абляцеў зямель.
Чуў, як ён хваліўся гу́сям,
Што мілей – на Беларусі.

* * *
Хаця дзяўчынка я малая
Заўжды матулі памагаю.
Узяўшы ў рукі капаніцу
Ганю з грады асот з макрыцай.

Рунцэвіч Уладзімір, г. Мар’іна Горка, Пухавіцкі раён