Здарылася так на свеце:
На двары гулялі дзеці.
Хованкі любілі надта
І хаваліся выдатна.

У садочку пад кустамі
З лапушыстымі лістамі,
Каля плота на траве,
Раз ляглі ўсе ў крапіве.

Небяспекі не ўлічылі,
Іх апёкі навучылі.
На сцягенцах пухіры
У вясковай дзетвары.

Розум мае кожны свой,
Думаць трэба галавой.
Неабдуманым быў крок –
Крапіва дала ж урок!

Аўсяннікава Тамара (г. Маладзечна)