У бабуліным гародзе
Кветкі дружна карагодзяць.
Веснавыя першацветы
Пазбіраліся ў букеты,
Прывітанне шлюць язміну,
Што бушуе каля тыну.
Водар казачны навокал,
Колер кветак цешыць вока.
Летам дываном квяцістым
Засцілаюць усё чыста,
А асеннімі дзянькамі
Аблятаюць матылькамі
Лёгкакрылыя пялёсткі –
На зіму пусцее вёска.
Стане зімка гаспадыняй,
Коўдру снежную накіне.

Бярэзіна Тамара (г. Маладзечна)