Стамілася ў Паліны мышка
Гартаць камп’ютар, нібы кніжку.
Завіслі ўпартыя старонкі,
Дзе гульні ёсць, галаваломкі,
Мультфільмы, песні, забаўлянкі,
Смяшынкі, казкі, маляванкі…
Капрызіць ноўтбук паўгадзіны –
Яму патрэбен адпачынак.
А за акном варожыць лета –
Як многа колераў у кветак!
Рыпяць арэлі каля хаты –
Дзяўчынак гойдаюць заўзята.
Бяжы на вуліцу, Палінка!
Малюе сонца там карцінкі,
Вясёлка рамкі аздабляе…
Карцінка кожная – жывая.

Нупрэйчык (Плакса) Галіна (г. Клецк)