Першы званок, кветкі, буквар.
Быў немаўля, а сёння – шкаляр.
Новыя веды, зборні*, вандроўка,
Песні, касцёр, у лесе – начоўка.
Бульбачка з прыску – цуд, асалода.
Танцы да ранку, свавольству свабода,
Першыя вершы, прызнанні ў каханні.
Шчыра, наіўна: сустрэчы, расстанні.
Час праляціць – апошні званок.
Толькі не кліча ён нас на урок.
Школу мы будзем заўжды ўспамінаць,
Зноўку сустрэчы з сябрамі чакаць.

* Зборні – вячоркі

Валасевіч Людміла (г. Барысаў)