Імклівы кідок. Снег па калена –
Студзень пачаў варушыцца. Зіма.
Месяц і год – вельмі добрыя змены.
У скрусе чакалі, але нездарма.

Хацелася свята? Прыйшло. Як цудоўна!
Хацелася снегу з блакітных нябёс.
Учора быў дожджык, а сёння раптоўна
Вецер-гарэза снег ноччу прынёс.

З ранку ўрачыста, бялютка, прыгожа,
Сыпле і сыпле, бясконца, здаецца.
Студзень пачаў па зямлі падарожжа,
Ляжа чароўным настроем на сэрца.

Гурбы растуць. Снег ідзе, не сціхае.
Лес-прыгажун, нібы ў казцы якой.
Зіма-гаспадыня старонкі гартае,
Спяшайся адчуць, прытуліся шчакой.

Рымашэўскі Генадзь, г. Чэрвень