Песня пра лася
У першым класе сёння спевы.
Раз спевы – трэба ўсім спяваць.
Гучаць папеўкі і распевы,
Вось толькі Каці не чуваць.

-Чаму ты з намі не спяваеш
І песня вывучана ўся…
Ці запрашэння, шчэ, чакаеш?
-Хачу, каб спелі пра лася!

-Такой мы песні не вучылі,
А, як запець, калі няма.
У песнях – пэўна вы сачылі –
Была і восень, і зіма.

-І пра лася таксама пелі!
-Не гавары абы чаго! –
У класе дзець зашумелі:
-Мы не спявалі пра яго!

Настаўніцы спыніць бы спрэчку –
Крыху ўжо стала замінаць –
Бо песню, шчэ, вучыць пра рэчку…
Ды пачала прыпамінаць:

Успомніла, вядома, песні
Пра зайца, воўка, парася…
Ды, сярод іх – ну хоць ты трэсні –
Няма, ніякай, пра лася.

-Такой мы песні не спявалі…
-Як – не?! – дзяўчынка ўжо злуе –
Вы нават самі запявалі!
Пачніце – кожны падпяе!

-То, можа запяеш сама ты,
А мы паслухаем цябе,
Што там за лось такі сахаты?
Ці хоць пра грушы на вярбе!..

Дзяўчынка стала – рукі ў бокі –
Настаў нарэшце зорны час –
Нібы збіралася ў скокі
І зацягнула на ўвесь клас:

-Сонейка свяці – ла - ся,
У хмарку закаці – ла - ся…

Дзмітрый Краскоўскі (п.Івянец,Валожынскі раён)скачать dle 11.3
автор - dimkras  ::   просмотров -   ::   комметариев - 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
Информация
Посетители, находящиеся в группе Гости, не могут оставлять комментарии к данной публикации.

Голосование:
Какие стихи Вам больше нравятся?


Показать все опросы

Наши друзья
Счетчики