Ну што на ўсіх ты так равеш?
Здаецца, зараз нас заб’еш,
Як кілер ў гангстэрскім кіно…
Ды добра, што мы не баімся,
А то б сканалі ўжо даўно!
Калі на працу ты прыйшоў,
Дык не раві, як сто кароў,
Бо ты ж не слон, не кабыліца!
Шкада нам на цябе глядзець.
Мо, заўтра кінешся ты біцца?
Не пырскай слінай, наш герой,
Змачыў паперы прад сабой…
Здароўе можаш сапсаваць.
Сварыцца – найвялікшы грэх!
Папер не любіць мокрых шэф!
Калі на працу мы ідзём,
То зранку песеньку пяём.
А ты – хутчэй на нас кідацца…
Калі ты будзеш так злаваць,
Не будзе плённай наша праца!

Анкудзінава Валянціна (г. Барысаў)