А мы святачка гулялі,
А мы гасцей частавалі.
Весяліліся і пелі,
Хлопцы, як шмялі, гудзелі.
Медавуха, медавуха!
Касавурыцца свякруха.
Свёкар дзверы закрывае,
Весяліцца не жадае.
Сала смачна і каўбаска,
Запрашаем, калі ласка!
Як зайграе гарманіст –
Ападае з дрэва ліст.
Ах ты полечка-трасуха!
Не ўтрымалася свякруха
Да суседа падышла,
Польку з ім скакаць пайшла.
Пілі, елі аж ад пуза.
Ёсць усё у беларуса
Весяліліся да ранку –
Добру зладзілі гулянку!
Спіць і свёкар, і свякруха,
Не разбудзіць нават муха.
Толькі мне зусім не спіцца,
Яшчэ хачу весяліцца.

Валасевіч Людміла
(г. Барысаў)