Краінаў розных шмат на свеце…
Пад Новы год і ўжо даўно,
Кідаюць – гэта не ў сакрэце –
Усё старое праз акно.

Камусьці, выкінуць на сметнік
Канапу, усё ж, шкада, сваю…
Патрэбна, мо, каму ў летнік.
Аб”яву пішуць: “Аддаю”.

А хтосьці з камерцыйнай жылкай…
Напэўна грошай не стае –
Нібы адпілавала пілкай –
Бо, танна, мужа прадае.

Па ўсім відаць – “дастаў” жанчыну!
Аб”яву ж напісаць змагла,
Не называючы прычыну:
“Прадам, нядорага, казла”.

1 студзеня 2015 года Дзмітрый Краскоўскі (п.Івянец)