На ціхім беразе ракі
Ў цудоўным маляўнічым месцы
Падратаваны лазнякі,
А ў цэнтры – вогнішча і трэскі.

Бутэлек воз ляжыць вакол.
Бляшанкі. Скрыначкі ад кавы.
І абгарэлы чорны кол
На ўшчэнт павытаптаных травах.

Паўсюдна з пластыку мяшкі
І кетчуп на пяску васковым,
Нібыта біліся быкі
Тут у карыдзе бесталковай.

І ні ў каго няма віны
За выгляд берага тутэйшы,
Тут балявалі дзікуны.
Неандэрталец разумнейшы.

Цанунін Уладзімір (г. Вілейка)