Хіба ёсць праблемы вечныя? —
Разважае сабе зяць.
Хочаш з салам быць, яечняю —
Дык да цешчы трэба джгаць.
Не да кахання
Не зманіў табе я аніразу.
І ад чараў, пэўна, нам не млець.
Калі жонкай станеш мне — адразу
Цешча ў мяне з’явіцца і цесць…
Логiка гультая
«Хоць няўежна, дык улежна» —
Суцяшаў сябе гультай.
Мёрз, але зімою снежнай
Ён не бег па дровы ў гай.
Пячны рай
Хтось імкнецца за мяжу,
Каб не наш пабачыць край.
А вось я вам так скажу:
«Мне на печы з любай рай!»
Каваль шчасця
Грошы неблагія
Каваль з працы мае.
Хай куюць другія,
А я пачакаю.

Рунцэвіч Уладзімір, г. Мар’іна Горка, Пухавіцкі раён