Краінаў розных шмат на свеце…
Пад Новы год ужо даўно
Кідаюць — гэта не ў сакрэце —
Усё старое праз акно.
Камусьці выкінуць на сметнік
Канапу ўсё ж шкада сваю…
Патрэбна мо каму ў летнік?
Аб’яву пішуць: «Аддаю».
А хтосьці з камерцыйнай жылкай…
Напэўна, грошай не стае —
Нібы адпілавала пілкай, —
Бо танна, мужа прадае.
Па ўсім відаць — «дастаў» жанчыну!
Аб’яву ж напісаць змагла,
Не называючы прычыну:
«Прадам нядорага казла».

Краскоўскі Дзмітрый, п. Івянец, Валожынскі раён