У хлопцаў пілянскіх
Такія прычыны —
Няма ў роднай вёсцы
Ніводнай дзяўчыны.
Раслі, прыгажэлі,
Нядоўга чакалі,
Бо з вескі ў горад
Усе паўцякалі.
І дзетак няма ў нас,
Двары апусцелі.
Сямейнымі стаць
Бабылі не хацелі.
І хаты — як трэба,
І вёска святая.
Ёсць хлеб і да хлеба, —
Дзяўчат не хапае.
Варожаць дзяўчаты,
Ды месца не знаюць,
Дзе хлопцы вясковыя
Шчасця чакаюць.
І з кім бы рэкламай
Такой падзяліцца,
Каб хлопцам пілянскім
Хутчэй ажаніцца.
Спяшайцеся з горада
Ў веску, дзяўчаты,
Тут хлопцаў брыгада
Яшчэ нежанатых.

Наўчанкова Альдонія, г. Клецк