Пярэстая карова залезла ў чужы вулей,
Паела ўсе дровы і пачала брахаць...
Уладзімір Рунцэвіч

Пісьмо ад старшыні калгаса
Паважаны паэта,
Наш калгас «Бадуны»
Змайстраваў сорак вулляў –
Як званок буданы!
І яшчэ засталося
Ад будоўлі шмат дроў,
Вось рашылі мы гуртам
Каб завесці кароў.
Ну, вулей не бярлога,
Не ўсе могуць там спаць,
Вашы ж цёлкі падходзяць –
І памер той, і масць.
Вартавы не патрэбен –
Самі могуць брахаць.
А зімой які догляд
Калі будуць усе спаць.
Толькі вось што турбуе –
Мяне ўсе тут пытаюць:
– Можа вашы рагулі
Да ўсяго і лятаюць?

Броска Вячаслаў (п. Нарач, Мядзельскі раён)