Не прыйсці да цябе, не сысці ад цябе
і ніколі з табой не застацца:
Ты бы Холмс, я ж разгублены Ватсан –
Ты зрываеш лавіну авацый,
Мне прысуджана толькі трымацца
І маліцца ізноў за цябе.

Не прыйсці за табой, не сысці за табой
і ніколі цябе не пабачыць:
Ты адказ, я ж умова задачы,
Ты натхнёны, жывы і гарачы,
Абавязак нічога не значыць
Мне падораны колісь табой.

Не прыйсці праз цябе, не сысці праз цябе
і ніколі табой не сагрэцца:
Ты fortissimo, я толькі mezzo,
Ты біццё ўсхваляванага сэрца,
Мне ў каханні ніхто не клянецца,
Бо чужы не заменіць цябе.

Мацюк Бажэна, г. Вілейка