Дзе такое, падкажыце,
Можна ўбачыць на зямлі?
Васількі ў зялёным жыце,
А над імі матылі.

Ранкам росная вясёлка
Разліваецца ў траве,
А навокал ззяюць зёлкі
І прыемны пах плыве.

Жаўручок звініць над полем.
Даль схаваў гушчар лясны.
Подых ветру ў наваколлі
Разганяе туманы́.

Паміж кветкамі на лузе –
Пчолак ціхі перагуд…
Толькі ў нашай Беларусі
Можна ўбачыць гэткі цуд!

Цанунін Уладзімір (г.Вілейка)