Бурлівага кахання пачуццё
Апета і ў паэзіі, і ў прозе.
Каханне – гэта вечна адкрыццё
І супярэчнасць на жыцця дарозе.

Яно бывае грэшным і святым
І радасць сумную прынесці можа.
Салодкай горыччу віецца дым
На папялішчы і на раздарожжы.

Пасля сябе пакіне горкі мёд,
Рубцуючы на сэрцы злыя раны.
Каханне – гэта радасць і палёт,
Калі няма ні здрады, ні падману.

Бярэзіна Тамара, г. Маладзечна