Без цябе
У гэтым свеце так холадна, любы.
Без цябе
Штосьці шэпчуць адчайнае губы.
Без цябе
Адчуваю сябе чужаніцай.
Без цябе
Мне так лёгка ізноў памыліцца.
Без цябе!

Без цябе
Патанае ўсё ў вусцішнай цемры.
Без цябе
Не прабіцца да сонечнай веры.
Без цябе
Не смяяцца мне суджаным ранкам.
Без цябе
Не назваць мне сяброўкай заранку.
Без цябе!

Без цябе
Лепш бы мне і зусім не радзіцца.
Без цябе
Не бруіцца любові крыніца.
Без цябе
Ў згубнай шэрасці тонут абшары.
Без цябе
Ў шэрым прысаку зноў курчацца мары
Без цябе, без цябе, без цябе...

Зоя Калкоўская (г. Узда)