Я да цябе ішла праз сотні вадаспадаў,
Праз тысячы вятроў мільёнамі дарог.
Я да цябе ішла, хоць снег на след твой падаў,
Сцяжынку замятаў, каханне не бярог.
Я да цябе ішла праз веснавыя воды,
Агнямі незапаленых спатканняў.
Я да цябе ішла, і нават перашкоды
Не знішчылі ў душы маёй кахання.
Я да цябе ішла – нямела наваколле,
Хавала ад мяне маю тугу.
Я да цябе ішла, хоць ведала: ніколі
Табе прызнацца ў каханні не змагу.
Я да цябе ішла…

Зінаіда Гасціловіч (Валожынскі раён, в. Падбярэззе)