Апусцілася ноч на зямлю,
Вецер травы калыша.
Як прызнацца табе, што люблю,
Калі ты мне не пішаш?

Я лаўлю гукі ночы, лаўлю,
Сэрца прагне спаткання.
Апусцілася ноч на зямлю
Светлай марай кахання.

Хутка ранне кране небакрай,
Промнем яркім засвеціць.
Не кідай мяне, не кідай,
Самы любы на свеце.

Я лаўлю гукі ночы, лаўлю,
Сэрца прагне спаткання.
Апусцілася ноч на зямлю
Светлай марай кахання.

Зінаіда Гасціловіч (Валожынскі раён, в. Падбярэззе)