К***
Я хачу, каб табе было цёпла
І душа набывала спакой.
У Сусвеце табе было добра
Душным летам, сцюдзёнай зімой.

Я хачу, каб душэўныя страхі
Не глыналі цябе з галавой,
Чалавечыя вечныя жахі
Не забілі цябе пустатой.

Я хачу, каб дабро гэтых словаў
Абудзіла ў табе цеплыню,
Праз святло чалавечае мовы
Ты спазнала жыцця дабрыню.

Не асудзіш мяне, спадзяюся,
І не скажаш: «Дарэмна» ці «Досыць!»
За цябе я заўсёды малюся.
Нават жаўранка спеў аб тым просіць...

Крыцук Мікіта
(г. Жодзіна)