Забегчы б летнім ранкам у дзяцінства,
Сябе, шасцігадовую, знайсці,
Пабегчы ў лес няўрымслівай дзяўчынкай,
Па цёплых лужах басанож прайсці.

Злятаць на крылах мары у юнацтва,
Ды зноў там кветку шчасця пашукаць.
У лабірынтах той краіны-казкі
Жыццёвы вопыт з марай павянчаць.

Ляцяць гады імклівай чарадою,
А памяць ходзіць госцяй па былым.
Дзяўчынка з фота з русаю касою
Абводзіць хату позіркам маім.

Нупрэйчык Гаіна
(г. Клецк)