Вясёлы праменьчык яснага сонца
Зайшоў у пакой да мяне праз аконца,
Зірнуў у люстэрка і тое заззяла,
Як быццам бы шчасце ў мой дом завітала.

Маленькі пасланец вялікага сонца,
Святочны настрой прынёс праз аконца.
Ты мне расказаў пра падзеі на свеце,
Аб тым, як ідзе жыццё на планеце.

Ты мне перадаў прывітанне ад сонца,
Даставіў пасланне праз шыбы аконца.
А ў ім – пажаданне здароўя, натхнення
І віншаванне з днём нараджэння.

Аўсянікава Тамара (г. Маладзечна)