Зоркі над мястэчкам
Як ніколі свецяць:
Душны жніўны месяц,
Лета – жоўты шар.
Спіць цвыркун за печкай,
Спяць у люльках дзеці,
Спіць усё на свеце,
Дрэмле ўвесь абшар.
Спіць цвыркун за печчу…
І ніхто не знае:
Наляціць на гета
Страшная гайня,
І Заастравечча
Заўтра пеклам стане –
Стане явай гэта
Напачатку дня.
… Зоркі над мястэчкам
Нездарма патухлі.
Смерць над панарамай –
Скрыпка не гучыць.
Сціх цвыркун за печкай,
І вятры заглухлі.
І зямля над ямай
Болей не дрыжыць.

Мялешка Лілія (г. Клецк)