Сонца на захад хавацца збіраецца,
Тым, хто змарыўся, пара адпачыць.
Цветам ружовым зара разгараецца –
Ззяе на захадзе і зіхаціць.

Месяц на небе прыняў эстафету:
Зоркам – пастух, а прыродзе – ліхтар.
У неабсяжным прасторы Сусвету
Згас ужо сонца вячэрні пажар.

Сцішана дыхае ветрык ласкавы,
Ціха лісточкамі ён шапаціць.
Зорныя пацеркі мераюць травы,
Месяца светам рачулка блішчыць.

Бярэзіна Тамара (г. Маладзечна)