Наша вёска пушчавая
Існуе, хоць і малая.
Ходзяць куры па падворку,
Певень-зух гарланіць: «Горка!»
Тут сабакі і каты –
Век сапраўдны залаты.
Ні свіней і ні кароў,
А ў лесе столькі дроў!
Ну, а людзі… Дык іх мала –
Не ідуць, не сустракала.
Рэдка ходзіць паштальён –
Пенсію прыносіць ён.
Ну, а ў хаце «яшчык чорны» –
Там наш быт такі ўзорны:
Мы танцуем і спяваем
Напаказ, здароўе маем.
Мы ў весцы так жывем:
Не ядзім – гарэлку п’ём.
Толькі ў год на аднаго,
А закускі – «ничего».
У магазіне толька водка,
Ні каўбас і ні сяледкі.
Дый навошта нам «яда»?
Хутка ўсім ісці «туда»,
Дзе вяскоўцы спяць усе
На той жоўтай паласе.

Наўчанкова Альдонія (г. Клецк)