Мяне ты не разбудзіш на світанку,
Пяшчотаю не прывітаеш болей
І не сустрэнеш аніколі ўжо на ганку
І сэрца больш не зойдзецца ад болю.

Твае ад працы стомленыя пальцы
Адпачываюць зараз у спакоі.
Ляжаць у шафе непатрэбныя ўжо пяльцы,
І цішыня гуляе па пакоі.

Даўно тут не вітае пах бліновы
І зайчык сонечны не скача па сцяне,
Табою знойдзеныя тры падковы
Вісяць на шчасце… І адна з іх мне?

Гасціловіч Зінаіда
(в. Подберазь, Валожынскі раён)