У краіне маіх каляровых сноў,
У царстве блакітных дажджоў,
Вясёлкавы, радасны парасон
Плыве на хвалях вятроў.

У краіне маіх каляровых сноў
Над сінім люстэркам ракі
Пад шолахі траў і спеў салаўёў
Танцуюць свой вальс матылькі.

У краіне маіх каляровых сноў
Няма ні дамоў, ні людзей.
Там восеньскі жоўта-чырвоны касцёр
Спаліў абрыўкі надзей.

Ды хочацца верыць: на крыльцах шпакоў,
Пад гоман зялёнай вясны,
Надзеі ўсё-такі вернуцца зноў
У мае каляровыя сны.

Сянюк Ларыса, в. Амельно, Пухавіцкі раён