Горды сцяг над краінай узняты,
Пад святочную маршавасць нот,
Незалежнасці светлае свята,
Адзначае свабодны народ.

Ліпень з воблака сонцам прагляне,
Зазвіняць на грудзях медалі,
Сёння з вамі мы ўспомнім славяне,
Тых людзей, што з вайны не прыйшлі.

Парадзелі рады ветэранаў –
Пасівелых, душой – маладых,
Афіцэраў, байцоў, партызанаў…
Колькі іх засталося жывых?

Песні, кветкі, усмешкі на тварах,
Чуцен звонкі і радасны смех,
А было неба ў жудасных хмарах,
Ды кружыў шэрай копаці снег.

І цямнелі ад гора бярозы,
І чарнелі на танках крыжы,
І ліліся ракой кроў ды слёзы,
А пакуты не мелі мяжы…

Песні, кветкі, усмешкі і сонца,
Чуцен звонкі і радасны смех,
Хай так будзе, так будзе бясконца,
Хай зімой белы падае снег.

Хай гуляюць на вуліцах дзеці,
І не знаюць ніколі вайны,
Хай заўжды будзе мір на планеце,
На вякі, ад вясны, да вясны.

Макарэвіч Барыс (г. Крупкі)