Ты мне казкаю з маленства і вясёлкай па жыцці,
Асвятляеш сонцам мары, да якіх яшчэ ісці,
Саграваеш сэрца ў сцюжу, летам – песціш халадком.
Ты найлепшы на ўсім свеце, Маладзечна – родны дом!

І зімою, і ўлетку працаваў ты, як мураш,
А цяпер, калі з палеткаў усё сабрана, горад наш
У святочнае прыбраўся і гасцей гатоў сустрэць…
Жыць табе жадаю вечна і ніколі не старэць!

Тамара Бярэзіна (г.Маладзечна)