Перад дзяржавай няма іх віны,
Ды ў памяці век кароткі.
Нізкі паклон вам, дзеці вайны, –
Нашы дзядзькі і цёткі.
Рана аднятыя ад грудзей,
Гадаваныя без малака і сосак…
Нізкі паклон вам ад людзей,
Дзеці з вогненных вёсак.
Забраныя гвалтам у мацярок,
Параскіданыя па ўсім свеце,
Дзеці вайны – вас лёс не сцярог –
Саласпілсаў і Скобравак3 дзеці.
Перад дзяржавай няма іх віны,
Але чамусьці яны ў загане.
Учора і сёння дзецям вайны –
Ні медалёў, ні пашаны.
Асірацелыя рана яны,
Дажываюць свой век сумны…
Дзеці вайны, страшэннай вайны,
Перад вамі ў даўгу мы.

Рунцэвіч Уладзімiр (г. Мар’іна Горка, Пухавіцкі раён)