Не была яшчэ ні разу
На тваёй магіле…
Ці шумяць над ёю вязы?
Ці дажджы размылі?

Не дайшла к табе матуля
Падзяліцца горам.
Ясны месяц хай атуліць,
І аплачуць зоры.

Да тваёй няхай магілы
Данясе хоць вецер,
Што жывем у поўнай сіле,
Сонейка нам свеціць.

А ў душы маркота госціць
І на сэрцы – рана,
Бо ў росквіт маладосці
Лёг ты пад курганам.

Соф’я Меляшкевіч (г. Мар’іна Горка, Пухавіцкі раён)