Цудоўны Мінск! Люблю цябе, сталіца!
Праспекты, паркі, вуліцы, масты…
Мне хараством тваім не наталіцца,
Гасцінны горад – вечна малады!

У летапісах – старажытны горад,
Зямелька тоіць лёс былых вякоў…
Агнём паліў цябе пракляты вораг –
Як Фенікс, адраджаўся ты ізноў.

Здзіўляюць гмахі велічных будынкаў –
Нібы атланты моцныя стаяць.
Бібліятэка з помнікам Скарыны,
Дзе лямпачкі, як зоркі, зіхацяць.

Цікавіць і куток старога Менска:
Касцёлам і царквам аддам паклон.
Салодкі тут, прыемны водар воску,
Паслухаю малітвы і канон.

Любімыя мясціны адпачынку:
Няміга і сталічны наш «Арбат»,
Цясняцца старадаўнія будынкі,
Музеі, ратуша, гандлёвы рад…

Музычныя пляцоўкі і тэатры –
Сустрэнуся з Шэкспірам і Бізе.
І з Вердзі – «Рыгалета», «Травіятай».
Або з «Ясмінай Рэзай» у ART.

Сталіца светлазорнай Беларусі,
Будуйся, прыгажэй ты з году ў год!
Я да вытокаў зноў тваіх вярнуся,
Мой слаўны горад, як і мой народ!

Жыдко Лідзія, г. Жодзіна