Пачынаецца новы дзень –
Сонца ветлівае ўзышло.
Раствараецца ночы цень –
Неба шчодрае на святло.

Вецер ветразі разгарнуў
Белым воблакам сталі сны.
«Добрай раніцы, Беларусь!» –
Свята, радасці і вясны.

Мы на дзіўнай зямлі жывём:
Промні дораць нам вышыню,
Сустракае цяпло акон
І надзею, і дабрыню.

Смех сяброў, сотні тысяч рук,
Усе людзі – адна сям’я.
Беларусь – гэта сэрцаў стук.
Беларусь – гэта ты і я.

Макарэвіч Барыс, г. Крупкі