Ты са мною на прывале,
Ты са мною з бою ў бой,
Ты са мной пасябравала,
Ты – са мною, я – з табой.
І ў сяброўстве год нямала
З радасцю мы і з журбой.
Ты са мной і на прывале,
Ты са мною з бою ў бой.
Ты і ўвечары, і ўранні,
Ты і ў цемру, і ў святло
Мне спрыяла ў каханні,
Слоў як часам не было.
Ты са мной гарэла ў танку,
І была ты пад вадой,
Каб сустрэў на родным ганку
Зноў пагодны дзень з табой.
Праляціць гадоў нямала,
Мы вайне дадзім адбой.
Будзем разам, як бывала:
Ты ды я, ды мы з табой.

Рунцэвіч Уладзімір, г.Мар’іна Горка, Пухавіцкі раён